Sapos, bruxas e curuxas!

Despois dunha longa espera... por fín chegou o Samaín! Esta festa de orixe celta, esperta cada ano o interese e a ilusión dos máis cativos.

Pero, sabedes cales son os beneficios de festexala na escola? Ahí van algunhas das razóns:

- Trabállanse a multiculturalidade e diferentes valores.

- Adquírese novo vocabulario.

- Foméntanse a creatividade e a curiosidade.

- Trabállase directamente sobre os aspectos máis característicos do noso contorno.

E un largo etc...

Este ano, quero amosarvos algunhas propostas para traballalo:

- Contos:

Sen dúbida existe unha gran variedade de contos adicados a esta temática, pero hoxe deixovos esta pequena selección, perfecta para traballar co alumnado de 3 anos.

 

"Corre, corre, cabaciña": Unha divertida historia sobre unha avoa que vai a voda da súa neta e que polo camiño se atopa con algún que outro tropezo, algo que fará que a súa volta a casa, sexa ben distinta.

Para este conto, atopamos ademáis unha canción que nos encantou:

"Un, dous, tres, vampiro ti es!": Este conto combina vocabulario relacionado co samaín, a través de diferentes rimas. No meu caso, empregueino como un auténtico libro de bruxa, cheo que conxuros e feitizos. Feitizos que causaron efecto porque despois de decir cada un deles, o meu alumnado convertíase nos diferentes personaxes.

"Que susto!":  Os protagonistas deste conto son dous caracois moi asustadizos que durante un paseo pola horta levan varios sustos. Isto serviunos para traballar o medo. Que cousas nos asustan?

Ao igual que pasa cos contos, as cancións teñen moito éxito. Aquí vos deixo, sen dúbida,  dúas das cancións estrela desta época....

                                           

Nada que envidiarlle ao baby shark! 😂 Igual de pegadizas e donde, sin ser moi conscientes, estamos traballando o conteo e vocabulario moi galego!

Outro dos aspectos que máis caracteriza o Samaín na escola é a decoración da aula. Aos máis pequenos encántalles participar e este foi o resultado:

Portas con pantasmas, morcegos e arañas...

Fiestras cheas de cabazas que ca luz do sol, alumean pola boca e polos ollos...

E algunha que outra pantasma sobrevoando as nosas cabezas...

Os xogos no Samaín tamén son moi importantes, aquí vos amoso tres deles:

- A búsqueda de personaxes de Samaín: Se os queres atopar, a nosa lanterna máxica terás que empregar!

- O alboio de Frankenstein: Un libro magnético que conta con diferentes pezas nas que podemos observar as partes do corpo. Podemos deixar que cada un invente o seu propio monstro ou que copien diferentes patróns.

- O baile das pantasmas: cun globo cheo de enerxía procedente das cabezas do noso alumnado, podemos facer que as pantasmas bailen ou desaparezan.

Non esquezades que nunha boa festa de Samaín, non pode faltar unha exposición de cabazas, pois ahí refléxase o inxenio do alumnado e o traballo conxunto coas familias:

Esta é só unha pequena mostra do traballo que levamos a cabo durante varias semanas, nas que rimos e nos asustamos a partes iguais, pois...

 ahí está a maxia do Samaín galego!!!!

👻👻Que o disfrutedes!👻👻

School garden 2

Non queríamos pechar o curso sin amosarvos os avances da nosa hortiña.

Como sabedes, nos últimos meses transformamos un cachiño da nosa escola, convertíndoo nun fermoso horto.

Alí cultivamos leitugas, tomates, pementos e fresas. 

Cada mañá unhas das nosas rutinas consistía en coidalo: comprobábamos o tempo (algo que nos indicaba si era preciso regar ou non), observamos o que medrou cada planta, recollemos os froitos, anotamos a recolecta e estivemos moi atentos por si algún animaliño anda á "roubacha" (non é o primeiro caracol que atopamos roendo as nosas leitugas, nin a primeira toupa que decide facer o seu túnel debaixo das nosas fresas...).

Mirade o antes..

O despois...

E o agora!

O que tal medraron as nosas platiñas. Tivemos que poñerlle unhas canas para que medraran dereitiñas:

Todo isto é o reflexo dun duro traballo no que tivemos que regar a diario...

Arrancar as malas herbas...

E vixiar que tódalas plantas estiveran sans...

 

Mentres traballamos no horto tamén temos tempo de facer xogos...que tal si buscamos as diferenzas?

 E mirade que colleitas tan xeitosas!

Encántanos involucrar ás familias nas nosas aventuras e esta vez o reto foi o seguinte:

Cada un levou unha leituga para a casa e tivo que preparar unha rica ensalada con seus ingredientes favoritos...Que pintaza!!

Ao longo do trimestre, fomos engadindo cousiñas novas: 

xirasoles...

E ata unha palmera a que lle fixemos un cerradiño la mar de bonito. O obxectivo e que cando medre, lle dé un pouquiño de sombra ao noso horto.

O vindeiro curso continuarán as nosas aventuras de horticultores, mentres tanto....

Feliz verán!!! 😎

E ti, coñeces o RCP?

Como dín as nosas avoas e os nosos avós: O saber non ocupa lugar!

E esta vez o que vos traemos vai un paso máis alá...

Chega o verán, unha época na que todos disfrutamos de máis tempo libre, do sol (si é que se instala dun vez por todas 😅), d@s amig@s, da praia.... ai! como nos gusta a praia...pero ollo! As vacacións non implican non ser caut@s, por iso, neste último trimestre recibimos na nosa escola a visita dunha enfermeira: Paula.

Paula non veu soa...venche moi ben acompañada:

Para que era todo iso? Fixemos as nosas apostas...e por algún lado se escoitou un: salvar vidas. Pois non che ía nada mal encamiñado. 

Paula dounos unha auténtica clase de primeiros auxilios.

Primeiro, presentounos a este simpático homiño:

Entre todos bautizámolo como: Doctor urxencia, pois si vos fixades na súa camiseta leva un número moi sinxelo de recordar: o 112. Ese número marcarémolo, e será o primeiro que fagamos, sempre que nos atopemos cun accidente.

E que toca despois? Atent@s!

1º Chamalo para intentar despertalo:

2º Arrimar a nosa meixela ao seu nariz para ver se respira:

E nese intre, podemos atoparnos con dúas situacións: que respire ou que non.

Si respira....posición de seguridade! Pero si non....comezamos a reanimación!

 - Buscamos o punto no que temos que facer a forza:

- Colocamos as mans e...

Comezamos!

                                         

Isto temos que intercalalo co "boca a boca", xa que é a forma de pasarlle aire á persoa que está inconsciente:

                                          

Que ben nos sae! Fixádevos no seu peito!

Cantas cousas que recordar, verdade? Pero tranquil@s! Temos un truquiño...que mellor que cunha canción? Está tan de moda na rede que nós tamén quixemos unirnos a este movemento:

Moitas grazas pola túa visita Paula! Agardamos que volvas pronto! Mentres tanto...nós xa temos hit do verán! 😎

Mitoloxía galega

Presentámosvos o noso último proxecto: A mitoloxía galega. Un proxecto no que fantasía foi a principal protagonista.

Todo comezou a partir dun conto:

Os troles e as trolesas, son seres desaliñados con moi poucos modais. Pero ademáis diso, cabe destacar que a pillería non é algo que os caracterice, algo que podemos comprobar neste conto.

Grazas a esta lectura, cada un de nós, diseñou ao seu propio trol ou trolesa:

O avoíño Rancañán propúxonos un xogo para coñecer a algúns dos seus amigos do bosque: as fadas.

A través dunhas pistas, tíñamos que ir buscando en que parte do cole estaban agochadas. Ahí vai un exemplo:

O avoíño contounos un montón de cousas sobre elas e nós rexistramos todos os datos:

Pero o máis asombroso foi saber que si conseguíamos polvo de fada auténtico e o esparcíamos por riba das fotos...unha fada en persoa podería aparecer na nosa clase. E sin saber aínda como, atopamos un cofre con....

Polvo de fada!

Fixemos o que nos dixo o avoíño e isto foi o que pasou ao día seguinte:

As fadas cando están diante das persoas, petrifícanse porque é a forma que teñen para protexer os seus poderes. Con ela, traía unha nota na que nos contaba que se chamaba Natura, a fada dos paxariños e que nos traía dous niños para decorar o noso hortiño.

Ao día seguinte...nin rastro de Natura. Sin embargo, o cofre máxico volveu a aparecer, esta vez cheo de estreliñas, pero que podíamos facer?

 Variñas máxicas!

 A aventura continuou e a nosa seguinte parada foron os trasnos.

É moi dificil ver a un trasno, xa que son moi rápidos, pero si algunha vez oídes o son dun cascabel, estade seguros de que algún anda cerca. 

E de súpeto o cofre máxico volveo a aparecer, esta vez cargado de cascabeles cunha nota que decía:

"Este cascabel na mochila amarrarás e boa sorte por sempre ti terás"

Agora tod@s levamos un na nosa mochila e a verdade é...que nos vai moi ben!

Outro dos seres fantásticos sobre os que investigamos foron os unicornios. Conta a lenda que os unicornios aparecen as noites de lúa chea, xa que é a forma de encher os seus cornos de maxia. Atopalos é sumamente complicado, xa que son super silenciosos, pero si tes a sorte de facelo, concederache un desexo!

E como son as casualidades que unha das nosas compañeiras tiña un na mochila.

A nosa investigación continuou polas sereas e os tritóns:

O que máis nos chama a atención son as súas espectaculares colas cheas de escamas brillantes. Pero onde recaen os seus poderes é na súa voz! Así que abre ben as túas orellas cada vez que estes preto do mar, porque a unha serea ou a un tritón, ti poderás escoitar.

Estamos seguros de que a esta, xa a coñecedes:

Adentrámonos nos bosques galegos en busca dalgunha fermosa fervenza, pois alí camuflada, entre as súas augas, habitan as mouras peiteando os seus longos cabelos, agardando para darche moi bos consellos.

A última das nosas investigacións levounos a coñecer ao mellor amigo do avoíño Rancañán: Panoramix o druida.

Os druidas, saben facer apócemas de todo tipo, teñen remedios para tódolos males e quíxonos amosar un relacionado co San Xoán, pero antes foi preciso coñecer un pouquiño máis da historia deste festexo, aquí podedes velo:

E agora si, a apócema! Disque si as meigas queres espantar estas herbas no monte tes que buscar e con elas un brebaxe para lavar a cara, elaborar.

Nós con todas elas, fixemos un libriño: 

E despois....mans a apócema!

Con este proxecto, pechamos o curso escolar!

Agardamos que o traballo realizado vos guste tanto como a nós!!

Apertas!