Relacionando!

Resulta que esta semana, aproveitando que estamos no entroido, decidimos buscar a relación entre este festexo tan típico en Galicia e o noso proxecto "Protexe os animais", e despois de darlle unhas voltas...chegamos a seguinte conclusión:

Os peliqueiros!

Este é o traxe típico do entroido de Laza (moi similiar ao cigarrón de Verín). E por qué ten relación co noso proxecto? Pois porque si nos fixamos ben no seu elaborado traxe, podemos comprobar que nas súas máscaras todos levan animais!

Así pois, puxémonos a ver diferentes imaxes e a identificar que animais aparecían nelas:

 E tamén creamos as nosas propias máscaras, poñendo en cada unha o animal que máis nos gustou:

 Descubrimos de todo...animais que xa traballamos como os domésticos e os da granxa, e animais que coñecíamos pero dos que aínda temos que coñecer moitas cousas máis, como é o caso dos animais salvaxes! E foi así como abrimos un novo camiño:

Adentrámonos no mundo dos animais salvaxes!

Na nosa primeira sesión comezamos co visionado dun video:

 E acto seguido tocou: actividade de discriminación visual:

 Algúns dos animais vémolos perfectamente..outros en cambio, están máis agochados, atoparémolos????

 Pois si, e resulta que hai tantos coma nen@s na nosa aula! Escribimos os nomes, analizamos cales con máis longos e cales máis curtos, falamos das cousas que coñecemos de cada un deles e... deixamos todo no aire, para continuar a semana que ben!

Que nos estará agardando?

Ata a semana!