Como xa sabedes, adicamos o primeiro mes de confinamento a publicar diferentes propostas para o alumnado de Educación Infantil. Pero hoxe comezamos un novo apartado dentro do noso blog, adicado especialmente, ao alumnado de 3 anos:
"O Baia Channel"
O Baia channel está diseñado polo avoíño Rancañán, a mestra Sandra e a mestra Isa.
Como si dunha canle de televisión se tratara, terá seccións de tódolos gustos.
Cada luns engadiremos unha entrada con varias propostas para realizar ao longo de toda a semana, na medida que as familias consideredes (tempos flexibles, actividades voluntarias...etc).
--------------------------------------------------------------
Despois de tantas semanas xuntos, chegamos á última do curso e con ela chegan as últimas propostas, queredes descubrilas? Aquí tendes o avance!
---------------------------------------------------------------------
Esta vez comezaremos reproducindo patróns, traballando así aspectos tales como a atención e a orientación espacial.
Neste caso empregamos laciños de cores (podedes empregar calquera outro obxecto: clips, ceras, flores...) e tarxetas nas que pintamos puntos coas mesmas cores que os laciños.
Temos que ir colocando os lazos como se indica no patrón, asociando a cor e a posición. Comezamos por patróns sinxelos:
- Contamos cantos son.
- Fixámonos na posición.
- Colocamos.
E ímolo complicando cada vez máis, engadindo máis laciños e formando diferentes figuras:
Pasamos agora á lecto-escritura cun taboeiro moi especial:
Para facer a lupa máxica temos que calcar a pegada da nosa man nun folio e recortala. No centro facémoslle un burato e por último, colocámoslle un mango para agarrala e decoramos ao gusto.
Para o taboeiro escribimos as letras do noso nome na parte de arriba, e xusto debaixo, fileiras con diferentes letras excepto unha, que terá que ser igual á de arriba.
Obxectivo: Atopar as letras do noso nome nas fileiras correspondentes:
Unha vez as atopedes, teredes que repasalas por riba cun lápiz ou rotulador:
*****
Algunha vez fixéchedes un debuxo máxico? Pois hoxe imos facelo!
Precisamos:
- Un folio.
- Unha cera branca.
-Acuarelas.
- Pincel.
Facemos un debuxo sobre o folio empregando a cera branca....Exacto! Esa que case nunca empregamos porque non se ve...
Cando o teñamos, collemos un pincel e as acuarelas e pintamos por enriba do noso debuxo.
Qué pasará?!
MAXIA!
Para poder levar a cabo esta última actividade da nosa sección de "Bricomanía" e necesaria unha saída...... á praia!
Si, si....esta vez, queremos ver como se vos dá iso de facer castelos de area!
A nós encántanos ir á praia, xogar, bañarnos, pero sobre todo, facer castelos! Uns grandes con 8 torres, outros pequenos cun foso arredor, nalgúns hai cocodrilos que o vixían, noutros bandeiras que se moven co vento...pasámolo pipa e estamos desexando ver os vosos! Animádesvos?
*****
E aproveitando esta actividade na praia deixámosvos 2 videos para que vexades o importante que é coidar do medio ambiente:
Conto: Pata de lata
Qué buscaba o pirata Serafín no fondo do mar?
Qué atopou?
Qué solución se lles ocorreu a Serafín e á balea para acabar con todo o lixo que estaba no mar?
Ocórreseche algunha outra solución para axudalos ca súa misión?
Cómo vedes é moi importante tirar o lixo nos cubos correspondentes, tal e como facemos no cole, a iso chámaselle: RECICLAR.
De non ser así....mirade o que pode pasar!
SI, si, con Neptuno anoxado te podes atopar...
Observade agora o contentos que estarán os habitantes do fondo do mar, con todo limpiño:
A cántos deles coñeces?
Nomeaos.
*****
Xa case chegamos ao final e non queríamos pechar o curso sen recordar un día moi especial para moitos de vos: o voso aniversario!
Cómo xa sabedes, non pudemos celebralo no cole pero a todos os que cumpríchedes anos nos meses de marzo, abril, maio e xuño, adicámosvos esta canción que podedes personalizar co voso nome, só tendes que escribir:
"tina y tin cumpleaños + nome dx nenx"
*****
E como non podemos compartir esa tarta tan rica e soprar as candeas xuntos, propoñémosvos que cada un de vós, fagades os vosos propios xeados e os comades á saúde dxs vosxs compañeirxs!
Aquí vos deixamos dúas receitas moi sinxelas:
- Xeado tropical:
Ingredientes:
- Froita e zume.
(Poden ser os vosos favoritos, neste caso nós empregamos os que máis lle gustan ao polo Pepe: fresas e zume tropical).
Elaboración:
Lavamos e cortamos as fresas en anacos pequenos e ímolos depositando nun molde (pode ser un específico para facer xeados ou un vaso de plástico ou cartón).
Despois botámoslle o zume por encima ata encher o molde e metémolo no conxelador.
Moi importante!!! O molde debe estar dereitiño para que non se escape nada e conxele ben.
- Xeado de iogur:
Ingredientes:
- Iogur natural e galletas.
Elaboración:
Partimos as galletas en anacos e mesturámolas co iogur. Despois vertémos a mestura con coidado no molde e ao conxelador.
(Se o preferides podedes engadirlle ao iogur unha cullerada pequena de azucre ).
Sinxelo e saudable, non si?
E así, sin darnos conta, pechamos o curso traballando aspectos como a precisión, facendo trasvases, educando o paladar, desenvolvendo e perfeccionando as habilidades motrices... 😊
Ata aquí a primeira temporada do Baia Channel!
Agardamos que todas as propostas publicadas ao longo destos 3 meses tan inusuais, vos resultaran interesantes e divertidas.
Tomade ahora nota das tarefas que vos recomendamos para o verán:
- Date un chapuzón na praia.
- Xoga ao aire libre.
-Pasea ca túa mascota.
- Invéntate receitas.
- Fai experimentos.
- Le moitos contos.
- Túmbate na herba e olla as estrelas.
e sobre todo...
- Pasao moi ben!
Vémonos en setembro cun milleiro de aventuras novas!!
Mil bicos!!!!!!😘😘😘😘😘
