Surcando un mar de contos co avoiño Rancañán: BAIA CHANNEL (Capítulo 1)

Como xa sabedes, adicamos o primeiro mes de confinamento a publicar diferentes propostas para o alumnado de Educación Infantil. Pero hoxe comezamos un novo apartado dentro do noso blog, adicado especialmente, ao alumnado de 3 anos:

"O Baia Channel"

O Baia channel está diseñado polo avoíño Rancañán, a mestra Sandra e a mestra Isa.

Como si dunha canle de televisión se tratara, terá seccións de tódolos gustos.

Cada luns engadiremos unha entrada con varias propostas para realizar ao longo de toda a semana, na medida que as familias consideredes (tempos flexibles, actividades voluntarias...etc).

Estades preparados?

Comezamos!

-------------------------------------------------------------------------

LUNS 20 DE ABRIL DO 2020

Hoxe no Baia Channel teremos a seguinte programación:

..........................................................

- BRICOLAXE:

No programa de hoxe temos na sección de bricolaxe unha actividade para facer xogos caseiros con caixas de cartón.

PUZZLES

É moi sinxelo: só tedes que buscar caixas, briks, ou envoltorios de alimentos que non utilicedes e recortalos en anaquiños, despóis mesturádelos e intentades montalos de novo.

Deixámosvos un exemplo para que vos resulte máis doado.

Tamén podedes COSER

Para iso precisades unha caixiña de cartón á que lle faredes uns buratiños para despois poderlle pasar unha lá, cordel, fío,… e convertervos nos mellores costureiros e costureiras

Aquí vos deixamos outro exemplo:

- XARDINERÍA:

Na sección de xardinería temos unha actividade moi doada e divertida:

COMO MEDRA A MIÑA PLANTA!

Para iso precisaremos:

-Un vaso, un bote ou unha bolsiña para alimentos.

-Algodón.

-Un pouco de auga.

-Unha lentella, un garavanzo, unha faba ou outra legume que teñades na casa.

O proceso é o seguinte:

1º Empapar o algodón en auga e poñelo dentro do vaso ou da bolsa.

2º Meter a legume que queiramos entre o algodón.

3º Poñer o vaso ou a bolsa nun lugar onde lle de a luz (se o facedes nunha bolsiña podedes pégala nunha ventana),

4º Día a día tedes que ir comprobando canto medra a vosa legume.

(Podedes ir facendo os debuxos das diferentes fases nun folio e medir cunha regra ou cinta métrica, canto medra de cada vez).

Xs nenxs serán os responsables do coidado da súa planta e isto, motivaraos un montón.

*****

Hoxe en cifras e letras.....

XOGO COS NOMES

Nun prato, bandexa ou recipiente botamos sal, azucre ou fariña.

En diferentes anacos de papel escribimos letras e poñémolos boca abaixo. Xs nenxs terán que ir dándolle a volta a esos papeis e escribir co dedo a letra que lle tocou.

Empezamos por letras soltas, despois podemos empregar as do seu nome e as dos nomes dos demáis membros da familia.

Podemos facer tamén diferentes liñas, espirais…etc.

XOGO DE CARTAS:

De seguro todos tendes na casa unha baralla de cartas, un paquete de legumes, pasta ou cereais, recipientes de diferentes tamaños, lapis e papel.

Pois con eses elementos, imos a facer un xogo super doado e entretido.

Os pasos a seguir son os seguintes:

1- Collemos unha carta do montón e observamos ou contamos o número que nos tocou.

2- Anotámos o número nun papel.

3- Collemos tantos cereais, macarróns ou fabas como se indique na carta e depositámolos nun recipiente.

4- Antes de sacar unha carta nova, facemos unha trasbase dos macarróns a un recipiente maís grande para ir xuntando todas as puntuacións.

Despois de 5 rondas, podemos facer o reconto total. Cántos macarróns conseguimos xuntar?

Pódese xogar de maneira individual, parellas ou grupos.

Outro xogo moi rápido é o seguinte:

Precisamos 2 xogadores, cada un collerá unha carta e o que saque o número máis alto, lévase as dúas. Quén conseguirá máis?

*****

Nesta sección ímonos a convertir nas MULLERES E HOMES DO TEMPO.

O primeiro que temos que facer e customizarnos! Pois as mulleres e os homes do tempo sempre van vestidos de forma moi elegante. Que vos parece si aproveitando que estamos na casa...imos remexer un pouco o armario de mamá e papá e collémoslle unha gravata, un colar, uns tirantes, uns zapatos, unhas gafas, unha diadema....o que máis vos guste (e o que vos deixen claro...😋).

Segundo paso, precisamos un calendario do mes de abril:

Debemos fixarnos ben nas letras que ten o mes de abril, algunha aparece tamén no voso nome? Rodeadea!

Despois miraremos o día no que estamos e anotaremos o número nun papeliño.

Tamén nos fixaremos no día da semana que é. Alguén recorda con que profes tíñamos clase ese día?

Nos esquezades repasar a canción dos días da semana:

En que estación estamos? Ahí vos van as pistas:

-É a estación favorita dos paxariños...

- Saen as flores e as froitas nas árbores...

- O sol, as nubes e a choiva fanse moi amigos...

Recordádelo? Seguro que sí!

Xa só nos queda comprobar o día que fai hoxe. Para iso, mami e papi teñen que facernos un mapa de Galicia. Nós iremos a mirar pola fiestra si chove ou fai sol, si venta ou non e si fai frío ou calor.

Cando o teñamos claro, faremos uns debuxiños no mapa (sol, nube, chuvia, cara contenta si fai calor, triste si fai frío...). Pegaremos ese mapa na parede e acto seguido....toca dalo parte!.

Situádevos diante del e que comece o espectáculo...Hoxe, luns 20 de abril o día está......

Podedes filmalo co móbil e enviarlle o parte metereolóxico aos avós, aos primos, aos tíos....e tamén por mail ás profes! Estaremos encantadas de ver o ben que o facedes!

*****

No primeiro programa da Voz, temos a proposta da profe Carmela, que aproveitando que esta semana se celebra o día do libro, envíanos unha canción, moi axeitada, de Pablo Díaz: